Buat hotu ne’ebé ema aprende tiha ona presiza iha sasukat ruma atu sukat buat hira mak nia hetan iha nia andamentu durante ne’e tamba nia sai hanesan sasukat atu sukat kapasidade ne’ebé ema ida idak iha, ho ne’e mos antes de hakat ba proceso ezame nian ita ne’ebé haknar aan nu’dar estudante tenke bem preparadu atu ultrapasa tiha barreira ezame nian kada periodu hodi sukat ka koko ba kapasidade ne’ebé iha.Dala wain ema sempre dehan estuda laos ba ezame deit maibé ba moris los duni katak estuda ba moris duni maibé antes ba moris tenke esforsu an atu hakat tiha eskada de aprendizajem mak ezame ho ne’e mos tenke estuda ho didiak atu hakat ba ezame tamba ho ezame mak bele sukat ita nia kbi’it de estudu durante procesu aprendizajem nian, naran estudante katak “estuda antes” laos hakfodak deit aban ezame ohin foin mehi loke kadernu atu estuda maibe ba estuda tenki tau importansia hodi aproveita ho diak antes atu nune’e kuandu iha ezame nia laran ita sente baibain deit tamba ita sempre prepara antes.
Dala barak ema sempre dehan “ haris kosar iha tempu ezame duke haris matawen iha tempu ezame “ ho espresaun ida ne’e atu dehan deit katak ita tenke esforsu ho kbi’it ne’ebé Maromak fo ona mai ita atu aproveita diak ba tempu sira atu estuda laos to tempu ezame mak ita hakfodak estuda ne’e tarde ona, iha mundu ne’e laiha tok ema matenek ida ne’ebé mak nunka estuda antes katak nia hatene atu aproveita didiak ba tempu hodi estuda tamba tempu hanesan mota ne’ebe sulin liu nunka mais atu fila fali mai kotuk ho ida ne’e ba maluk estudante sira aproveita ba tempu ne’e, keta hodi rikusoin atu buka matenek maibé uza ó nia matenek didiak atu rikusoin mak buka ó,hanesan iha espresaun lian Indonesia ne’ebé dehan “uzian adalah cobaan dan cobaan bukan siksan tetapi merupakan jalan hidup menuju kebahagian”.(Ir. Tavares Lgn)
Comments