Prontu Tuir Exame

Naran: Octavio dos Santos

Classe: 10 Ano CSH/A

Eskola : Senofa

Tuir ha’u nia hanoin exame hanesan dalan ou meios ida ne’ebé atu tetu ka sukat ami nia capacidade kona-ba matéria ne’ebé maka aprende durante fulan tolu nia laran. Exame mos hanesan dalan ida atu prova ema ne’e bele hakat tan classe ida ka lae. Tamba ne’e Exame hanesan sasukat ida ba ita nia capacidade lor-loron hodi defini di-diak ita nia an hodi nune’e bele hakat liu tan ba pasu ida seluk nian. Ha’u nia preparação ba exame 2º trimestre ha’u tenke haka’as an atu estuda didiak no kuida saúde diak nafatin atu nune’e labele afeta ba ha’u nia estudo tamba preparação agora mak estuda maka’as atu nune’e bele hetan notas ne’ebé diak no exelente.

NARAN: Costantinho Soares dos Reis

KLASE: 11 CSH/A

Eskola : Senofa

Tuir Reis katak exame hanesan prova ou teste ida atu halo ita hanoin ka reviu fila-fali matéria sira ne’ebé mak ita aprende tiha ona durante prosseco aprendizajem halao. Husi exame ne’e mak sei fo sai resultadu husi ita nia esforsu estuda durante ne’e. Liu husi exame ne’e mos atu ita bele hatene liu tan ita ida-idak nia kapasidade to’o iha ne’ebé. Ha’u nia preparasaun ba exame segundo trimestre ne’e ha’u tenke halo rezumu ba materia ne’ebé hetan ona husi mestre/a sira, atu nune’e labele dificil mai ha’u atu estuda. Ha’u nu’udar estudante obrigasaun ba ha’u nia-an rasik tenke estuda nafatin maske dificil atu estuda. “Buat ida sei la dificil se ó rasik iha avontade”. (Deonizio, Dilson)