Seminarista prontu tuir ezame

Naran : Ir. Liveltino E. A. Da Silva Loiola

Eskola : ESC SENOFA

Classe : 120 CSH

Loiola prontu ona tuir ezame tanba nia prepara durante fulan 3 nia laran tuir prosesu aprendizajen. “Profesores sira sempre halo prova diaria kada dixiplina. Ha’u tenke iha kompromisu hetan valor diak bele fo ksolok mai hau no ba hau nia familia sira ne’ebe durante ne’e fo korajen no suporta mai hau nia estudo iha fatin formasaun ida ne’e,”nia hateten. Métodu ne’ebe Loiola uza mak la’ós atu dekor (hafal) maibé oinsá bele kompriende diak materia ne’ebe professor/a fó ona. Ba kolega sira presiza hamenus baruk no kolen no hakaas-an ba estuda hodi hetan valor ne’ebe diak iha ezame. Hanesan matenek nain Platão dehan “ema hotu-hotu moris mai matenek ona ka iha kapasidade, maibe ema maka baruk no lakohi atu aprende kona-ba moris liuliu kona-ba materia sira”.

Naran: Nicolau D. Ximenes Salsinha

Eskola: SENOFA Balide

Klasse: 110 Ano CSH/A

Ba ezame 1º periódu ne’e ha’u prepara ona, hein deit profesór sira fó iha tempo ezame (29 Marsu to’o 6 Abríl 2019). Tuir Salsinha ezame hanesan teste ida atu bele memoriza fila-fali lisaun sira hotu ne’ebe alunos sira aprende tiha ona durante processo de aprendizagem ba fulan tolu nia laran. “Ha’u tenke estuda antes katak la’ós tempo besik ona exame mak hau foin loke kaderno atu lee. Ida ne’e tarde tiha ona,”nia fó hanoin ba nia kolega