Naran: Noé dos Santos
Classe: 11º ano CT
Tuir ha’u nia hanoin iha ita nia Indenpendencia ba tinan ida ne’e sei motiva dia’ak liu tan ita hotu nu’udar gerasaun foun atu haka’as an nafatin hodi kontribui nafatin buat hotu- hotu ne’ebé mak ita iha ba ita nia nasaun doben Timor-Leste. Ita haree katak iha ita nia nasaun ne’e iha parte barak mak sei iha failnsu tanba menus recursus humanos. Nu’udar gerasaun foun ita precisa estuda maka’as no haka’as an nafatin atu sai ema ne’ebé mak bele lori ita nia nasaun ida ne’e ba oin liu tan. “Ita tenke iha skill no kapasidade ne’ebé mak forte artu bele hatan ba problema ne’ebé ita nia nasaun sei hasoru iha futuru. Atu hetan buat sira ne’e hotu nu’udar gerasaun foun buat ne’ebé ita precisa halo mak estuda, estuda no estuda,”dehan Santos.
Naran: Dionisio Pinto Mariz
Classe: 11º ano CT
Ha’u sente hetan independénsia ne’e buat ida ne’ebé ita la bele espera maibé ita nia funu nain sira ho esperansa bo’ot no aten brani kaer metin prinsípio ida katak “mate ka moris ukun rasik an”. Liafuan ne’e enkoraja sira hotu no lori ita nia nasaun to’o ukun rasik an. Ne’e duni ita tenke respeito no fó honra nafatin be sira ne’ebé mate ona ba ita nia nasaun ida ne’e. indenpendénsia mai ita nu’udar povu Timor-Leste importante tebe tanba oinsa atu hanoin fali ita nia funu nain sira ne’ebé mak mate ona ba rai ida ne’e maske sira mate maibe sira nia espíritu sempre leno nafatin ita ne’ebé sei moris atu bele dezenvolve no lori rai doben ida ne’e ba oin tanba ita nia nasaun fou-foun moris iha nasaun kolonizasaun nia okos maibe agora ita ukun an ita tenke lori Timor, ida ne’e ba mundu. Mai ita geração foun sira precisa luta nafatin iha era globalização atu nune’e bele hari paz no estabilidade hodi kontribui ba prosesu desenvolvimento ba ita nia rai doben ida ne’e.
Opmerkingen