Reza ba Lideransa sira
Amu selebrante Pe. Ângelo Salsinha (iha klaran) no akompanha Pe. Adérito de Sávio Sequeira hanesan Prefeitu do Estudo no Pe. Carlito Teti-Laca, Prefeitu de Dixiplina.
SENOFA News, Dili- Tuir programa anual SENOFA kada fulan sempre realiza misa komunidade ne’e hanesan kostume seminário nian, ho objektivu ida oinsá mak atu hatudu nafatin servisu hamutuk entre Equipa Formadora ho Seminarista sira.
Misa refere hanesan misa ba dalahuluk tinan 2020 ne’ebé preside husi Pe. Ângelo Salsinha no akompanha Pe. Adérito de Sávio Sequeira hanesan Prefeitu do Estudo no Pe. Carlito Teti-Laca, Prefeitu de Dixiplina.
Iha omilia Pe.Selebrante mos husu ba Seminarista sira oinsa mak atu sai hanesan naroman ida ba iha Familia, ba rai Timor no mós ba Kreda Timor. Nune’e Reitór ne’e mós husu ba Seminarista sira atu reza ba Seminariu, reza ba rai Timor, ba Lideransa sira, ba Jovens sira atu sira bele rona nafatin Maromak nia futar liafuan sira no halo tuir Maromak nia hakaran sira.
‟Cada de voçes vai ser a luz para o nosso Familia,para o Pais Timor e para a nossa Igreza de Timor.Vamos rezar para o nosso Seminário,para Timor,para os Lideranças, para os Jovens, para ouvem a Palavra de Deus e fez tudo Segundo a vontade de Deus.”tenik Pe. Ângelo.
Depois de misa Ekipa Formadora sira hotu hamutuk ho Profesores sira no Seminarista sira hala’o jantar de konfraternijasaun hamutuk iha refeitoriu Seminarista sira nian. Alénde ida ne’e mós Seminarista sira hato’o kestaun balun kona ba kondisaun Seminariu nian ne’ebé mak presiza atu hadia.
Pe. Adérito de Sávio Sequeira hanesan Prefeitu do Estudo husu ba seminarista sira tenke estuda meka’as tanba iha Senofa Balide tenke valór mínimu 7,5. “Se la to’o seminarista tenke sai hosi Senofa,”dehan Prefeitu do Estudo ne’e.
Iha okazaun ne’e Pe. Carlito Teti-Laca, nu’udar Prefeitu de Dixiplina fó mensajen ba seminarista sira atu dixiplina, no halo tuir regra ne’ebé mak seminarista estabelese ona. (Reporter: Flavio & Ivo).