União Europeia ba Timor-Leste (primeiru husi liman kuanan/loos) ho Arcebispo Metropolitana de Dili (segundu husi liman karuk) no Sekretário Estado do Meio Ambiente (segundu husi liman loos) ho nain tolu sira seluk baku hela babadok hodi hahu seremonia “kuda ai-oan” iha Dare, foto: Thom.
SENOFA News, Dare– União Eropeia (UE) hamutuk ho Fundação São Paulo, NGO RAEBIA TL, autoridarde no partisipante sira lansa inisiativa hodi salva no hamatak hikas fali zona Dare hodi realiza atividade “Kuda Ai-oan”iha área commando, Laulara, Aldeia Sakalau, Suku Dare, Sabado, semana kotuk.
Embaixador União Europeia nian iha Timor-Leste Andrew Jacobs iha nia diskursu hateten “atu kombate mudansa klimatika, tanto iha kontinente europa no iha mundu, sai hanesan prioridade essensial ida ba UE. President foun komisaun Europeia nian, Ursula Von der Leyen, foin lalais ne’e anunsia kona-ba akordu Verde Europeu ho ninia visaun sentral mak atu halo klima UE ne’e nautru fila fali iha tinan 2050 mai. Alvu ida ne’e ambisiosu uituan, maibe espera katak ita bele realiza, no ba ida ne’e ita iha servisu barak tebes iha ita nia oin atu halo. De fato, liga ho mudansa klimatika no enfrenta realidade hirak ne’e presija ita hotu nia esforsu”.
“Timor-Leste responsável ba peresentagem ki’ik oan ida ba emisaun global ne’e, maibe timor oan sira enfrenta mós konsekeunsia negativu husi akesimentu global ka manas rai nian ne’ebé aumenta, mak hanesan: temperature ne’ebé a’as, bailoron naruk no rai halai tantu iha área kosteira no mós iha foho sira hanesan ita bele hare iha zona Dare ida ne’e,”dehan nia. Marka prezensa mós Embaixador sira husi Nasaun Suiça, Fransa, Austria, Beljika no hahutuk ho Sekretario Estado do Meio Ambiente, Demétrio do Amaral de Carvalho.
Ermelindo Maia da Silva nu’udar representante autoridade lokal suku Dare hateten atividade ne’e fó benefisiu ne’ebé bo’ot mai zona Dare, tamba Dare sai hanesan fuan/coração sidade Dili nian. “Wainhira zona Dare ne’e sai zona ne’ebé buras no matak otomatikamente sidade Dili mós sei hetan rekursu natural sira ne’ebé fresku no bele hetan mós ar ne’ebé fresku no saudável tan ne’e ita tenke kuida no protejenafatin zona ne’e,”katak lia nain ne’e. (REPORTER: ANO ALVES)
Foto: