Grupu Srigala husi Munisipiu Aileu ne’ebé hato’o hela lian dadolin ba resepsaun Ekipa Formadora SENOFA no konvidadu sira iha NC SENOFA. Foto: Thom.
SENOFA News, Dili – Programa noite kultural sempre lao fulan ida dala ida iha Senofa atu dezenvolve talentu seminarista sira sai hanesan inspirasaun no pontu reflesaun. Tuir Pe. Carlito Teti-laca nu’udar Prefeitu Disiplina iha Senofa dehan katak Aprezentasaun sira ne’ebe maka aprezenta iha Noite Kultural ne’e sai hanesan reflesaun ida ba seminarista sira la’ós sai penontondeit, maibe sai hanesan mós inspirasaun no pontu reflesaun ida mai ita katak Cristo deit mak ai-han moris rohan laek ba ita nia moris ispiritual.
Ne’e fo hanoin mai ita katak kristu la husik hela riku-soin mundu nian mai ita ema maibe nia husik hela Banquete Sagrado ne’ebé ita selebra lor-loron iha sakramentu Eukaristia ne’ebé sai nu’udar lembransa ida ne’ebé ita nai Jesus Kristu husik hela mai ita nu’udar riku-soin ba ita nia moris klamar no isin nian,”dehan amu Teti-laca.
Pe. Carlito Tetilaca mós hatoo nia liafuan agradeseimentu ba iha grupu no banda sira hotu ne’ebé mak ho disponivel tomak partisipa iha eventu refere hodi sai hanesan pontu inisiasaun ba iha talin familiarizmo nian ho SENOFA. Grupu Rapper Black Jesus no banda Alkatraz harame eventu Noite Cultural (NC) SENOFA hodi anima konvidadu sira hotu iha sport hall ne’ebe responsabiliza husi klase 110 ano jeral ho tema “Tomai e Comei”, iha Senofa, Sabado, liu ba ne’ebé partisipa mos grupu dansa hosi São José Óperario.
Tuir Joselino Soares nu’udar Seminarista foun, nia kontente foin hetan esperiensian foun duke eskola iha liur. “Ha’u haksolok tebes ho eventu ne’e tamba bele hetan mós esperiensia no inspirasaun ba iha nia moris lor-loron nian,”orgullu Soares.
Marka prezensa iha noite cultural ne’e Reitór Senofa, Pe. Ângelo Salsinha no equipa formador sira no Me. Guilermina Marsal Fdcc. (REPORTER: LINO & DHION)
Grupu Dansa Kultura husi Escola Católica Colégio São Jose Operario ne’ebé apresenta hela dansa cultural iha Noite Cultural SENOFA. Foto: Thom.