Reitór Senofa, Pe. Ângelo Salsinha wainhira hato’o nia diskuru iha noite kultural Senofa. Foto: Thom
SENOFA News- Dili, Seminário Menor Nossa Senhora de Fátima halo eventu noite kultural hodi selebra ninia padroeira no nia aniversário ba dala 65 nu’udar loron Nain Feto Fátima nian, foin lalais ne’e partisipa husi artistas no banda sira hanesan artista Alda, Abiu Salsinha, Chico Ramelau, Ary Bargon, El Chapo Crew, Alcatraz, Wins Angels, Ventura, Lulik ba Dame, Corru Gracias, xtream magic Edu Rai-Mor & Oscar Trindade no partisipnte sira assiste tanba hola bilhete ema ida dollar rua. Total Fundus husi faan bilhete no cafetaria $856,75 ne’e atu uza ba programa SENOFA CUP 2019 sei abertura (31/05/19).
“Ha’u hanoin kalan ida ne’e (13/05) kalan di’ak teb-tebes no grasa ida mos. Buat hotu ne’ebe ita halo ne’e atu komprende liu tan Maromak nia vontade. Ita nia família, ita nia Nasaun, ita nia talentu sira ne’ebé ita iha ne’e tamba Maromak Nia vontade ne’ebé ita labele selu, maibé ita expressa ho murak mean ne’ebé ita iha,” dehan Reitór Senofa, Pe. Ângelo Salsinha wainhira hato’o nia diskurus badak ba partisipante sira.
Amo Ângelo mos hato’o nia agradesimentu ba artistas, grupo coral sira ne’ebe mai hamutuk hodi anima partisipante sira, familia, professores, eis-seminarista sira, apoiantes, amantes Seminário ne’e nian mak hamutuk iha ne’e.
Iha sorin seluk tuir Marito Tavares nu’udar personil El Chapo crew hateten nia sente kontenti teb-tebes tamba la espera katak bele anima estudante husi SENOFA. Nia Enjoy teb-tebes no husu promove nafatin talento seminaristas sira. Iha okzaun ne’e tuir Janeia Amaral Soares sente kontente no orgulho teb-tebes tanba bele hasoru ho nia idola Alcatraz iha Senofa. .Reporter(Ir.Flavio)
Grupo Corru Gracias husi Motael hetan 1ª lugar kompetisaun corral União Europeia. Foto: Thom
Comments