Foto hamutuk ho Arcebispo Diocese Dili Dom Virgílio do Carmo da Silva depois de manan nain sira husi kompetisau simu premiu. (foto:Ony)
Senofa NEWS, Dili – Iha fulan Setembru liu ba Colégio Paulo VI realiza atividade oi-oin hodi harame selebrasaun aniversario ba dala 40. Direitor eskola Colégio Paulo VI (CPVI), Pe. Luis Bonaparte do Rego hateten parte eskola kria atividade oi-oin ho objetivu prinsipál edukativu ba estudante sira iha eskola, atu bele fo nafatin ksolok ba sira iha vida edukasaun.
Orlando da silva Casimiro, nu’udar prezidente komisaun organizadora deklara katak selebra tinan 40 CPVI kria atividade hanesan: certame, formatura da parada, dansa modernu no dansa tradisionál, ne’ebé mak hetan partisipasaun másimu husi eskola secundário Saô Jose Opérario (SJO), Senofa no CPVI. Husi eskola pré-secundário hanesan São José operario, Amigo de Jesus, Esperansa da pátria, Colégio Paulo VI no eskola Dr.Sergio Viera de Melo.
Certame ba ensino secundario nian uma nain CPVI hetan primeiru, segundu hosi Senofa, no terceiru hosi São José Operário. Kompetisaun formatura da parada nian ba eskola secundario nian, eskola SJO sai hanesan I lugar, SENOFA iha II lugar, CPVI iha III lugar no SACROJES iha IV lugar. Iha dansa moderno ba ensino secundario nian uma nain CPVI grupo A sai hanesan I lugar, SJO sai hanesan II lugar no III lugar nian okupa husi CPVI grupo B. Mai fali iha ensino pré-secundário nian iha parte certame nian nafatin uma nain CPVI mak sai hanesan I lugar, SJO iha II lugar no Amigo de Jesus iha III lugar. Iha formtura da parada nian CPVI grupo A mak sai hanesan I lugar, Segundo lugar nafatin ocupa husi CPVI grupo B no III lugar ocupa husi SJO.
Iha parte seluk Tesma Lucilia Corte-Real, nu’udar estudante husi CPVI senti orgullu no apresia ba atividade no kompetisaun hirak ne’ebé halao iha sira nia eskola. “Kompara atividade tinan kotuk 2018 ladun barak ho tinan ne’e. Ho ida ne’e desenvolvidu liu tan no ami bele aprende,”tenik nia . (Reportagem;Ony,Fabio)
תגובות