Orsida kalan iha Senofa Noite Cultural sei fó gratificação seluk ba campeão
Presidente FFTL, Fransisco Jerónimo (sorin karuk) entrega taça rotativa Senofa Cup 2019 ba capitaun ekipa Cristal (sorin los) wainhira finaliza eventu ida ne’e iha campo FFTL, Kuarta-feira (03/07/19). Foto : Luis
SENOFA News, Dili- Senofa Cup ba Époka 2019 sai kampionato ba taça rotativa mak equipa husi ES Cristal depoizde halakon equipa Senofa A ho eskor 4-2 iha jogu final iha campo FFTL Dili, Kuarta-feira (03/07/19). Hetan 3º lugar no 4º lugar mak equipa husi ES São Pedro no An-nur.
Jogu ne’ebé ‘bonito’ hetan partisipasaun máximu husi kada eskola liu-liu eskola Cristal & eskola Senofa no marka prezensa mós husi estrutura FFTL, Reitór Senofa no ekipa formadora husi senofa nian.
Prezidente FFTL, Fransisco Jerónimo hato’o diskursu katak FFTL parabens ba Senofa ne’ebé realiza Senofa Cup ba tinan ida ne’e tanba ne’e ami husi Federasaun fó apoiu nafatin ba aktividade ida ne’e no ate ohin finaliza torneio ida ne’e entre ekipa rua ne’e. “Ami husi Federasaun nia esperansa ba oin hakarak aktividade no taça Senofa Cup ida ne’e realiza nafatin tanba liu husi aktividade ida ne’e mak atu bele deskobre mós sira nia talentu no fini husi Senofa Cup ida ne’e karik iha jogador balun ne’ebé diak ami sei halo selesaun ba ekipa Nasioanal,”tenik nia.
Iha okazaun ne’e mós Pe. Ângelo Salsinha nu’udar Reitor Senofa hateten katak “parabens ba ekipa husi eskola 12 ne’ebé partisipa ona iha Senofa Cup tinan ida ne’e liu-liu ba ESC Cristal ne’ebé sai nu’udar manan na’in ba taça rotativa ida ne’e sai hanesan motivasaun ida ba ita nia joven sira atu oinsa mak sira hatudu no koñese sira nia talentu ne’ebé diak liu tan ba futuru”.
Senofa Cup tinan ida ne’e realiza diak tanba seminário serbisu hamutuk ho Federasaun atu programa ida ne’e sai hanesan programa permanente ba Eskola sekundáriu sira. “Agradese ba partidu CNRT, Prezidente FFTL, Arbitragem no Cruz Vermelha TL ne’ebé ajuda ona hodi realiza taça rotativa senofa Cup ba tinan ida ne’e,”dehan Reitór Senofa.
Entretantu iha sorin seluk Toninho Paulo Ferreira nu’udar kapitaun ba equipa Senofa A nian sente ladún satisfas tanba derota ho ekipa Cristal. Maske iha jogu ne’e la sai hanesan kampionatu maibé ha’u mos kontente tanba melhor klasifikasaun ba 2o lugar.
Kapitaun equipa Cristal, Junior Lay hateten “ami sente kontente tebes tanba bele ultrapassa sai manan na’in ba taça rotiva senofa cup ba tinan ida ne’e tanba hosi ami nia esforsu ne’ebé makaas to’o hetan resultadu ne’ebé mak positivu.
Komisaun organizadora Senofa Cup 2019 determina katak melhor jogador mak Gabriel de Carvalho (Senofa A), Top scor mak Rivaldo Correira (Cristal), melhor guarda rede mak Juvinal (An-nur) no melhor equipa husi Canossa.
Alénde taça ne’ebé equipa sira hetan ona, Senofa mós sei fó gratificação seluk ba campeão sira Senofa Cup 2019 orsida kalan iha Senofa Noite Cultural.
( Reportagem: Ony& enssu)
Equipa Senofa A foto hamutuk molok joga final. Foto: Thom
Comments