CSIL Sai 1⁰ lugar iha Eventu Olimpiade no Debate tinan 2019

Estudante husi escola Senofa, Santo Inacio Loyola, São Pedro, Cristal hasai foto hamutuk ho Dekano FCE Doutor Samuel Freitas. foto: D’jeam

SENOFA News- Escola CSIL (Colégio Santo Inacio de Loyola) vensedor 1o lugar ba eventu olimpiade no debate tinan 2019 ne’ebé realiza hosi Faculdade Ciénsia Exata UNTL foin lalais ne’e iha INFORDEPE. Entre Senofa no São Pedro troka malu ba eventu olimpiade no debate 2o no 3o lugar.

Decano Faculdade Ciensia Exata UNTL, Doutor Samuel Freitas dehan natureza universidade ni-nia misaun kuandu atu halao, iha buat tolu; hanorin, pesquija, servisu komunidade. “Iha aktividade ida ne’e ita dedika liu ba ensino secundaria sira ho naran semana Academia ne’e ba matematika, fisika, quimica, importate tebes ba desenvolvimentu,” dehan Doutor Samuel Freitas.

Iha sorin seluk profesór CSIL, Paulo da Silva Rangel hatutan tan katak, CSIL kontenti tebes partisipa iha eventu refere ho rezultado diak tebes. Nia husu atividade husi UNTL lao nafatin tanba bele aumenta liu tan estudante sira nia koñesementu iha area fisika, química no matematika.

Professora Ludovina Monteiro ne’ebé akompaña estudante Senofa dehan katak diak tebes programa refere bele aumenta liu tan alunu sira nia kapasidade intelektual liu-liu iha parte exata nian. “Menan ka lakon ne’e la’ós questaun ida maibé importante mak esperiénsia,’’katak Monteiro. (Reporter IVO)