Estudante hosi Senofa nain tolu maka Godinho Xavier (porta voz), Álvaro dos Santos no Jackson Maria da C. Ferreira.
Senofa News, Dili- Godinho Xavier (porta voz) Senofa iha certame nível municipal, nia kontente tebes no sente previlejio ida ba nia grupo bele sai ona primeiro lugar no representa Municipio Dili ba nivel nacional. “Certame ne’e vantagen ida mai hau mak ne’e wainhira ita aprende disciplina historia ne’e buat ida ne’ebé mak nu’udar ita nia valor, ita nia kustume no ita nia indentidade loloos mak ne’e,”nia dehan.
Xavier subliña tan katak nia tercerio ano di’ak tebes tanba istória mós hanesan disciplina nacional ida. “Ami sei esforsu nafatin haka’as an nafatin hodi bele lori munisipiu Dili,”nia hatete.
Amika Prilana Pires da Silva, aluna ida husi São Pedro, nia sente orgullu bele tuir kompetisaun to’o final hetan 2o lugar nível municipal. “Ha’u agradese ba komisaun organizadora ba loron konsulta popular nian, ne’ebé mak konsege realiza ona kompetisaun ida ne’e bele lori ami hatene klean kona-ba istória TL,”dehan da Silva.
Silva reprezenta eskola iha Município Dili husu ba eskola SENOFA atu estuda maka’as liu tan hodi bele lori Educasaun Munisipiu Dili ba kompete entre munisipiu 11 inklui RAEOA.
Álvaro dos Santos, hosi Senofa, nia sente kontente teb-tebes tanba fofoun iha eskola barak mak compete iha ne’ebá total eskola 25. “Ida ne’e hanesan previlegio bo’ot ida mai ha’u no mós ba kolega sira hotu tamba bele lori SENOFA representa Munisipiu Dili ba nivel nacional”. (Reporter Anio & Natureza)
Comments