Grupo reporter Senofa nain 4 hosi sorin karuk mak Ronaldino, Flavio, Joaquim no Jecfonio, sira aprende oinsá maneira atu kaer kamera iha sala redasaun tvet.
SENOFA News, Dili- Grupo reporter senofa News nain haat tuir magang iha tvet durante loron lima, ne’ebé hetan atendimentu màximo husi eguipa jornalista tvet (Televizaun Edukasaun Timor).
Chefe redasaun media tvet, Otélio Ote hateten grupo reporter Senofa ne’ebé hala’o estudo komparativu (estágio) durante loron 5 iha tvet iha koprimissio no entusiasmu bo’ot atu aprende kona-ba lalaok servisu nu’udar ema jornalista ida nian.
“Tuir ami nia observasaun ita bo’ot sira iha duni komprimissio atu hatene kona-ba lalaok jornalista nian. Ita haree iha inisiu imi iha duni vontade atu aprende. No iha buat balun ne’ebé mak imi seidauk bele atu hala’o mak teknika oinsá atu edit video tanba tempo ne’ebé mak limitado tebes. Kuandu instituisaun Senofa hakarak seminarista sira hatene klean kona-ba prosesu servisu nu’udar jornalista ida ne’ebé professional tenke halo programa estágio ka magang to’o fulan ka tinan ida,”sujetaun hosi Ote ne’ebé iha esperiensia tinan barak dezde tempu Indonesia.
Eis Diretór Timor Post ne’e fiar katak maske seminarista sira seidauk espesialidade kona-ba jornalista, maibé liu hosi magang ida ne’e sai hanesan meio ida karik la kontinua to’o sai padre bele hili jornalista no mós sai padre dalan diak oinsá halo homilia ba sarani sira ne’ebé ho diak.
Grupo jurnalista junior Senofa nain haat mak hanesan Joaquim, Ronaldinho, Flavio no Jecfonio, sira sente kontente tebes tanba bele realiza estudo komparativo ne’e sai hanesan bukae ida ba sira nia futuru. “Durante loron lima ami hetan atendimentu ne’ebe diak tebes husi director tvet ho nia equipa tomak,”katak Joaquim. (Grupo estagiadu TvET).
Foto:
Seminarista sira aprende hamutuk ho editor tvet nian oinsá atu edita video.
Comments