Deometrio foto hamutuk ho Reitór Senofa, Pe. Ângelo Salsinha (karuk) no nia pai (kuana). Foto: Thom.
“Ha’u hakarak sai ema ne’ebé sucesso hodi fó ksolok ba ha’u nia inan-aman no ba ha’u nia família sira hotu,”lia fuan kmanek hosi Mane bonito hamorin naran Senofa tanba hetan primeira klasifikasaun nível exame nasional 2019.
Deometrio Amandio da Silva Cabral durante tinan 3 iha Senofa sempre hetan is the best. Nia mai hosi município Viqueque, ne’ebe moris iha munisipiu Baucau iha loron 17 fulan Fevereiru iha tinan 2003 no husi ai-fuan domin Miguel da silva no Leolinda Cabral nu’udar oan da-uluk husi maun-alin nain tolu.
Nia mos hahu haknar an iha nivel akadémiku eskolar da-uluk iha Ensino Básico Filial (EBF) São Domingos Savio-Baucau no remata husi eskola refere hodi hatutan fila-fali nia estudu iha eskola pre-Seundário Colégio Básico Católico (CBC) Santo António Teulale-Baucau to’o remata.
Nia hili dalan vokasaun nian hodi kontinua nia estudu SENOFA. Iha nia aproveitamentu eskolar iha Uma Formasaun SENOFA ikus bele hamorin fila-fali Instituisaun no Eskola nia naran hodi hatudu kualidade eskola nia depois de nia sai nudar mellor klasifikadu iha nivel nasional iha ezame nasional iha programa Ciênsia e Tegnologia iha tinan akademiku 2019 ho valor absolute 54.
Wainhira hakarak atu hetan klasifikasaun ne’ebé diak la iha ema hotu-hotu mak la bele, maibe ho esforsu particular mak la hanesan, tan ne’e persiza moris tuir ita nia vizaun no tau iha misaun lorloron nian. Iha nia maneira estudo utiliza metodu oioin mak lee barak, halo rezumu ba material hotu hotu no essencial liu esplikasaun ne’ebé importante tebes nia sempre hakerek iha livrinho balun, karik haluha bele reviu fila fali.
“Ho hakfodak tebes no ha’u la espera katak ha’u bele hetan primeriu klassifikasaun iha nivel akadémiku nascional nian, ida ne’e sai hanesan prazer no admirasaun ida mai ha’u katak durante, ha’u nia esforsu sira tomak iha ha’u-nia estudu iha duni valor ne’ebé diak no preparsaun ne’ebé ha’u iha molok hasoru ezame nasional ne’e la soi leet deit. Ho ida ne’e ha’u hakarak hato’o ha’u nia agradesimentu ba iha ha’u nia maluk seminarista sira, ba manorin sira no eskipa formadora Seminário Menor nian ne’ebé forma tiha ona ha’u hodi ha’u sai ema ne’ebé util iha ha’u nia moris”.
“No ha’u nia vizaun ba futuru nian exatamente ha’u seidauk determina klaru tamba baseia ba iha kondisaun no situasaun real ne’ebé ha’u mehi dalabarak sei la sai tuir mehi ne’ebé ha’u hakarak. Tan ne’e ha’u iha prespektiva mellora ba futuru, ha’u hakarak sai ema ne’ebé sucessu hodi fo ksolok ba ha’u nia inan-aman no ba ha’u nia familia sira hotu”. Report: Encko.