Iha okazaun ne’e mós Jão Sius Alfredo, aman husi Michael Samaloko (iha klaran) foto hamutuk ho Pe. Patrocinio da Cunha Nunes (kuana) no nia pai (iha karuk)
SENOFA News, Dili- Inan-aman sempre suporta nia oan maibé hili ka determina qualquer vocação ne’e la’ós inan-aman nia liman.
Miguel da Silva, nu’udar pai hosi Demetrio Amandio da Siva Cabral orgullu ba nia oan tanba formasaun durante tinan 3 iha Senofa hetan rezultadu diak iha exame nasional 2019.
Kontinua ka la kontinuan ba nia vokasaun ne’e nia entrega ba nia oan maibé nu’udar inan-aman sira só suporta de'it tantu husi perte ekonomia no mos liu husi orasaun no motivasaun sira hotu.
Iha okazaun ne’e mós Jão Sius Alfredo, aman husi Michael Samaloko husi parte Ciencias Sociais Humanas orgullu ba nia oan maske lahetan klasifikasaun nasional, maibé nia fiar katak formasaun ba nia oan Samaloko durante tinan 3 iha qualificação diak tanba ema balun nia oan la ramata estudu iha Senofa. Samaloko hetan valór exame nasional 48.
"Ami nu’udar inan-aman orgulho no agradese teb-tebes ba Aman Maromak no mós ba equipa formadora Senofa no mestre sira tamba liu husi sira hotu nia esforsu mak ohin loron ami nia oan Michael bele fo mai ami no ba ita hotu resultado ne’ebé mak diak," katak Jao Sius Alfredo.
Iha fatin hanesan Abel Milenio nu’udar finalista ano akademiko 2017, maibé la konsege remata nia estudo tamba iha problema ho kondisaun saúde (amputasaun ain kuana) ne'ebe halo nia tenke deskansa husi nia estudo durante tinan 1. Abel Milenio hosi Ciénsia Teknolojia hetan valor exame nasional 45.
Abel agradese teb-tebes ba nia inan-aman tanba ho sira nia domin no pasciensia tomak heree nia kiudadu ho carrinho tomak no motiva estudu nafatin iha Senofa tinan 2019 ne’e.
“Ha'u nia motivasaun atu kontinua estudo ne'e la’ós mai deit husi hau nia pai mae maibe mós mai husi hau nia kolega sira hotu liuliu husi hau nia kolega defisiensia ida neebe mak sempre dehan mai hau katak, "Never Ever Give Life is Chalenge not a Choice". Liafuan ne’e mak sempre mos motiva hau hodi kontinua ha'u nia estudu to'o remata iha ohin loron. (Husi: Dilson Moruc)