Iha Imagem ne’e Pe.Ângelo Salsinha, Pe. Adérito de Sávio Sequeira no Prof.Thomas Ora, foto hamutuk ho jornalista junior sira hafoin fahe kartaun ba sira ida-idak (07/10/19).
SENOFA NEWS, Dili - Grupo Jornalismo SENOFA hosi 11o ano nain 25 ofisialmente simu ID Card Jornalismo atu tuir magang (estudo comparativo) iha média nasional ne’ebé mak entrega diretamente husi Reitór SENOFA, Pe. Ângelo Salsinha iha jardin nobel da paz, Segunda-feira, (7/10/2019).
Pe. Ângelo Salsinha husu ba seminarista ne’ebé involve iha grupu jornalismo simu ona kartaun jornalismo tenke hatudu loloos identidade nu’udar jornalista junior Senofa nian. “Programa extra kurríkuler jornalismo ne’e importante tebes prepara imi no motiva ba imi tenke lee barak no hakerek atu nune’e imi mós bele sai jornalista no hakerek nain. Tan ne’e durante semana ida ba tempu exame nasional imi tenke uza didiak ba atividade estudo comparativo ka magang iha media nasional ho diak,”mensajen hosi amu Reitór ne’e.
Nia subliña tan tan durante magang (14 to’o 18 Outubro) tenke iha sensitivo aprende no buka esperiensia hosi jornalista senior sira iha media nasional hodi bele serviço hanesan jornalista ida nian. Imi nu’udar seminarista kuda nafatin mentalidade sensibilidade nian iha ida-idak nia an.
Pe. Ângelo Salsinha besik tinan 5 nu’udar Reitór Senofa fó parabens ba seminarista hotu hamutuk atus rua resik tanba durante tinan ida ne’e iha mudansa. ‟parabens ba imi nia prestasaun no dedicasaun tinan ida ne’e nian imi hatudu buat ne’ebé diak tebes, ita haree ba Senofa cup, certame, noite cultural i no mós buat ne’ebé imi hatudu daudaun hanesan jornalismo. Sai jornalismo tenki sensitivo iha nia serviço sira, no buat ne’ebé imi sei falta mak sensibilidade. Presiza kuda sensibilidade iha imi nia an atu hadomi buat ne’ebé mak iha,” katak Reitor ne’e.
Iha sorin seluk xefe redasaun grupo Senofa News, Marciano Alves acresenta liu tan katak ho ID Card ne’ebé mak simu bele hatudu loloos identidade nu’udar jornalista senofa ida. ‟Ha’u nu’udar jornalista junior Senofa nian senti orgullu tebes, tamba jornalista nu’udar ema ne’ebe hato’o lian husi ema lian laek sira nian ka iha lian ingles dehan The voice of the voiceless”. Liu husi ida ne’e ami prontu nafatin atu serviço nu’udar jornalista hodi servi komunidade liu husi informasaun ami rekolha no fahe,”dehan Alves.
Jornalista junior sei tuir magang iha STL, Timor Post, TV Edukasaun, RTK no RTTL. “Ita agradese ba media nasional sira ne’ebé iha laran luak bele simu seminarista sira atu aprende oinsá mekanismu servisu iha média ida-idak nian,”hateten Reitór Senofa. (Reporter: Ivo & Jackson)
Foto tambahan:
Pe. Ângelo salsinha tara hela ID Card ba jornalista junior sira iha formatura dader nian (07/10/19) iha Jardin Nobel da paz.
Comments