Molok Exame Seminarista Sira Vizita Museu da Resistência TL

Seminarista sira rona sériu esplikasaun historia TL hosi Diretór nacional unidade educativa Museu resistência, Àlvaro Rosàrio Vasconcelhos. Foto: Thom

SENOFA News, Dili- Seminàrio Menor Nossa Senhora de Fàtima (SENOFA), liu husi estudante 3º ano Ciencias Sociais Humanas geral (CSH), molok tuir exame 2º periódo hala’o vizita ba Museu resistência hodi hatene kona-ba historia processo resistência husi povo Timor-Leste tomak hodi hetan ukun rasik an. Iha vizita ne’e ligasaun ho matéria sosiologia no história ne’ebé akompaña husi profesór nain rua; Thomas Ora no Fr. Leonildo Alberto de Araújo, Tersa-feira (16/07/19).

Museu da Resistência ne’e harii iha 2002 husi iniciativa eis Prezidente RDTL, Kay Rala Xanana Gusmão ho objeto preserva valor historico Timor nian. Diretór nacional unidade educativa, Àlvaro Rosàrio Vasconcelhos hateten apresia ba seminarista sira hakarak hetene klean kona-ba historia Timor luta ba independência.

“Ha’u nafatin fó koragem ba imi nu’udar seminarista atu bele sai nafatin hanesan masin rai nian no roman mundo nian ho espalha nafatin, dada nafatin ka leno nafatin ema hotu ne’ebé mak seidauk hatete kona-ba historia resistênsia nian,” tenik Vasconcelhos.

Fr. Leonildo Alberto de Araújo, hanesan profesór ba matéeria historia hato’o nia sentimento gratidão ba Museu Resistência tanba disponivel ona hodi fo tempo atu guia seminarista sira oinsa atu kompriende sentido saida husi buat hotu ne’ebe iha museu histori kona-ba rai timor. “Nu’udar cidadaun ida iha obrigasaun atu hatene kona-ba ninia historia rasik tanba dalabarak ema dehan ha’u Timor oan maibé ha’u rasik la hatene konaba historia Timor,”tenik Fr. Leo.

Representante husi 3o ano CSH, Godinho Xavier hateten nia foin primeira vizita hanesan previlegio ida ba nia haree no rona rasik husi Diretór nacional unidade educativa kona-ba história luta Timor nian. (Reporter: Bendy)

Seminarista sira iha sala de leitura. Foto: Thom