Pe. Ângelo Salsinha ne’ebé marka hela sinal Krús ho ahu-kdesan ba seminarista ida iha Kapela SENOFA iha misa Quarta-feira sinza (26/02/2020). Foto: Jorge.
Senofa News, Dili- Sarani Katólika ida-idak tenke cuidado moris iha era globalizasaun labele moris tuir ema fariseu sira ne’ebé la haraik-an tanba fariseu sira ne’ebé halo buat ruma atu ema bele hahi sira.
“Iha tempu Quaresma katak ita ema nu’udar ema rai rahun ne’ebé folin laek hodi halo ita tenke partilla no oinsá ita bele sai ema ne’ebé haraik-an hodi keta moris tuir ema fariseu sira ne’ebé halo buat ruma atu ema bele hahi sira,”homilia Reitor Senofa Balide, Pe. Ângelo Salsinha bainhira preside misa loron sinzas, iha Kapela Seminario Balide, Kuarta-feira (26/02/20).
“Ohin ita hahu ona tempo Quaresma ho Quarta-feira sinza ne’ebé nu’udar loron hodi ita hanoin katak ita ema nu’udar sala nain no tan ita nia sala hirak ne’e mak ita Nai Jesus Kristu tenke lori buat sira ne’e hotu to’o iha krús tutun hodi mate no moris hias tan ita ema,”dehan amu.
Nia subliña tan katak Quaresma mak tempu grasa no sai nu’udar oportunu ida ne’ebé diak ba deit sira ne’ebé hatene halo orasaun. “Orasaun la’ós orasaun ne’ebé ó décor hodi reza maibé fuan mamuk hela mas orasaun ne’ebé loos mak ó nia resposta ‘sim’ba Maromak iha tempu diak no aat nia laran,”amu mensajen.
Jodelio R. da Costa, seminarista ida iha hanoin tempu Quaresma mak nu’udar tempu ne’ebé ita hodi halo abstinensia no jejum ka reduz ba iha ita nia hahalok no hahan sira hotu ne’ebé ita iha”. (REPORTER: THEO & ANO ALVES).