A Educação não é repetetiva mas é reprodutiva
Toninho Paulo Ferreira (kuana) halo esperimentasaun ne’ebé akompaña husi Reitór Senofa. Foto: Thom
SENOFA News, Dili- Reitór Senofa, Pe. Ângelo Salsinha husu ba estudante no profesores sira atu promove nafatin atividade ‘hidden curriculum’ ba extrakurikuler ho naran EoL (Exhibition of Learning) sai hanesan identidade senofa (Seminário menor Nossa Senhora dee Fátima) tanba Educação não é repetetiva mas é reprodutiva.
“Educação lori ema hodi hakat inserteza no desenvolve nia a’an ho kakutak ne’ebe bem feita tenke hatudu demonstrasaun konkretu no visível hodi promove no aumenta skill ne’ebe melhor no furak iha matan hodi haree no aplika ba moris tanba knowledge is power,”apresiasaun husi Reitór Senofa ne’e ba Toninho Paulo Ferreira nu’udar estudante Siénsia Naturais (12° ano) halo nia EoL ho títulu importância da luz da vida rural.
Reitór Senofa, Amu perfeito do estudo, profesores no hamutuk ho estudante asisste Ferreira ne’ebé aprezenta ninia EoL durante minutu sia nulu (90) hatudu katak derok la’ós de’it atu konsumu (Budu) maibé derok hanesan frutu ida ne’ebé bele uza hodi produz energia elétrika ba lámpada atu fasilita populasaun sira ne’ebé hela iha área rural nian. “Tinan ida ne’e sai hanesan tinan ida ne’ebé hahu ona aktividade EoL li-liu iha área Ciências Exata nian ho objetivo atu fortifika koñesimentu estudante ida-idak nian, tan ne’e tinan mai promove nafatin,”dehan Reitór ne’e.
Tuir Toninho Paulo Ferreira estudu iha Senofa foin hetan experiénsia foun maske nia hetan difikuldades oi-oin maibé nia vontade koko no pasiénsia. Material sira ne’ebé utiliza hanesan derok, fiu (cobre,zinco)fiu condutor no lampada.
Ferreira rekoñese katak buat ne’ebé nia koko esperimentasaun energia elétrika totalmente sei falta materiais balun maibé la signifika to’o iha ne’e de’it maibé sai hanesan kontinuasaun ida hodi haburas no promove liu tan iha futuru oin mai. “Ha’u nian mak ne’e, ha’u hein fali imi nian,” tenik nia, nomós nia agradese ba profesor orientadores sira (Americo Simões Vaz, Marita Ornai Lopes no Ludovina Monteiro)
Betinha B. Ferreira nu’udar família husi aprejentadór sente apresia tebes programa EoL husi Senofa. “Ha’u agradese ba Pe. Reitor Ângelo Salsinha no profesores sira ne’ebé sai nu’udar manorin na’in iha Seminário Balide,”dehan nia.
Bendito A.P.B Vila-Nova nu’udar alumi Senofa orgullu ba seminarista periódu tinan 2019 primeira vez bele deskobre derok sai hanesan material prima ida ne’ebé bele transforma ba energia eletrika. “Ami uluk la halo EoL no agora diak tebes fó oportunidade ba seminarista sira,”katak Vila-Nova. (Reporter: Ony & Enssu)
Bendito A.P.B Vila-Nova (hamrik) partisipa iha aprezentasaun EoL husi Toninho Paulo Ferreira ne’ebé molok halo perguntas husi examinadores (profesora nain rua)
Comments