Grupo Eureca Study Club hosi grupo São Thomas Aquino (Natalino Martins halo hela esplika sira nia topiku ho nia membru Andi no Ruivaldo ho moderadór Amitu.
SENOFA News, Dili– Atividade extracurriculer Eureka Study Club (ESC) iha Senofa hanesan parte academika ninian hodi prepara seminarista sira atu dezenvolve HOTS (Higher-Order Thinking Skills) in education. HOTS sai hanesan ezijénsia ida ba habilidade iha prosesu aprendizajen no século 21 mak hanesan ezije hanoin crítico, criativo, colaborativo no comunicativo.
HOTS treina alunos sira iha kapasidade hanoin nível alto bele mós liu hosi atividade extracurriculer ESC. “Objektivu ajuda seminarista sira oinsá atu bele hakerek, koalia i analiza nune’e bele hafasil sira nia estudu iha futuru,”dehan Pe. Adérito de Sávio Sequeira, nu’udar Prefeitu do Estudo ba jornalista Senofa News.
Tuir Prefeitu do Estudo ne’e katak Eureka Study Club foin tama tinan rua sai hanesan tradisaun ida ba Senofa no bele realiza tanba hetan inisiativa diak husi profesór Thomas Ora ho objetivu ida mak oinsá atu treinu seminarista sira, atu sira bele iha mentalidade ida ne’ebé diak (public speaking), oinsá hakerek, analiza, tanto iha diskusaun sira atu fasil ba sira iha futuru, liuliu oinsa atu hakerek monografia.
‟Liu husi ESC ida ne’e oinsá mak atu fo matadalan ida ba seminarista sira hotu atu oinsá bele hatene hakerek no lee ho diak. No ESC ne’e mós sai hanesan bukae ida ba aluno sira iha aban bainrua,”tenik Pe.Adérito
Extra ESC ne’e fahe ba grupu 10 ne’ebé orienta husi frater no professor/a sira. Loron Sábadu liu ba, grupo ida ho naran São Thomas Aquino lori tópiku problema social espesifíku kona-ba ‘Impaktu Negativa hosi Arte Marsiais Estraga Joven nia Futuru. Iha diskusaun refere grupo São Thomas Aquino fó solusaun katak governo tenke kria kampo de trabalho, iha regulamentu ne’ebé forte atu evita violencia ita nia nasaun, joven sira tenke fó liman ba kria paz no dame. (Reporter: ivo rosálio & Anio).