Jornalista junior senofa nain sanulu resin ida foto hamutuk ho xefe gabinete rekursu umanu (hamrik iha klaran).Foto: D’jeam
Senofa News, Dili- Seminarista hosi Senofa hamutuk sanulu resin-ida hala’o EK (Estudu Komparativu) iha kanal RTTL.ep. Objetivu atu aumenta no fortifika liu tan kapasidade no koñesimentu intelektual no mentalidade iha área jornalizmu nian, durante loron 5 (14 to’o 18 Outubro 2019) tanba 3o ano sira tuir exame nasional. Programa estudu komparativu (magang) refere hala’o ona dala rua iha kanal RTTL.ep.
Chefe Departamentu Informasaun Atualidade, Candidu Alves programa magang ne’e maske la to’o fulan ida maibé seminarista sira aproveita tempu ne’ebé badak hodi aprofunda liu tan sira nia koñesimentu iha área jornalizmu iha kanal RTTL.ep. “Atu profunda tan imi nia koñsimentu tenke presiza tempu minimu semana rua no máximu fualan ida. Tanba lala’ok departamento informasaun televisaun nian kada 24 horas simu telefone husi komunidade no autoridade lokal barak tebes hanesan: parte kriminal, parte desenvolvimento, populasaun halerik no dezastre,”dehan Candidu Alves iha edifisiu sentral RTTL Caicoli Dili, Sesta-feira semana rua liu ba.
Iha parte seluk Chefe redasaun informasaun radiu, Marcos Eko apresia programa hosi Senofa (Seminário Ménor Nossa Seenhora de Fátima) Balide liu-liu ba lideransa Pe. Ângelo Salsinha no Instrutór Prof.Thomas Ora ne’ebé fó ona konfiansa mai iha kanal RTTL tinan rua ona sai hanesan fatin estudu komparativu ba seminarista sira. “Seminarista nain 6 mak destaca iha departamentu informasun radiu nian, ida ne’e hanesan konfiansa ida mai ami, tan ne’e ami agradese. Ha’u fiar katak maske limitadu maibé seminarista sira bele konsegue aprende ona pontos gerais balun iha servisu jornalista ninian, primeiro ba iha servisu redasaun nian, siklu servisu iha redasaun nian pelo menos ita boot sira bele hatene kona-ba ambiente situasaun enkontru editorial ninian lor-loron husi Segunda to’o Sesta no hatene ona kona-ba servisu jornalista nian iha terreno oinsá atu bele produz notisia ida ba kommunidade,” dehan Eko.
Marcos Eko aumenta tan katak redasaun informasaun radiu kontinua nakloke-an ba SENOFA no ba se’e de’it tanto grupu no individu hodi bele mai estagiu iha redasaun informasau radiu nian maibé tenke prense requizitus. “Durante ne’e hosi seminário maior Fatummeta mai estájiu iha fatin ida ne’e tanba iha sira nia matéria balun ne’ebé iha ligasaun kona-ba komunikasaun social,”katak Eko. Reporter Enko & ony.
Seminarista sira foto hamutuk ho Chefe Departamentu Informasaun Atualidade, Candidu Alves (klaran)
Comentários