Missa Despedida
Finalista sira foto hamutuk ho reitór Senofa no manorin sira fafoin aviza rezultadu, Tersa-feira (10/12/19). Foto: Thom.
Senofa News, Dili–ESC SENOFA (Seminário Nossa Senhora de Fátima) Balide marka istória foun tanba alunos ida ho naran Demetrio Amandio da Silva Cabral hosi siénsia no Teknolojia hetan primeiru lugar valór exame nasional 54 hamutuk estudante nain 5 hosi eskola seluk iha exame nasional 2019.
Reitór Senofa, Pe. Ângelo Salsinha apresia tebes kolaborasaun hosi profesores sira no equipa formadora, inan-aman no alunos sira. “Hau sente orgullu tebes ba iha prestasaun akadémiku ne’ebé ita nia eskola hetan. Prestasaun ne’ebé ita hetan ne’e liu husi ita nia kolaborasaun liu-liu husi ita nia manorin sira no estudante sira ne’ebé halo preparasaun ne’ebé mak máximu tebes molok atu ba hasoru ezame nasionarl ne’ebé ita liu tiha ona no bele hetan rezultadu ne’ebé diak tebes” tenik Pe. Ângelo wainhira aviza rezultadu ba alunos sira no inan-aman, Tersa-feira (10/12/19) iha Senofa.
Iha lidun hanesan Adjunto director ESC SENOFA, Marcelino Magalhães hateten katak tinan ba tinan seminário mellora nafatin prestasaun akedemiku sira ne’ebé hatudu husi rezultadu ne’ebé finalista sira hodi atinje valor da meta 40. Hanesan iha Programa Ciênsia e Tegnologia husi total estudante 19 ne’ebé hetan valor boot liu ho pontu 54 no ki’ik liu mak 40. “Ba Ciencia Sociais e Humanidade ho tatal estudante 31 iha ne’ebé estudante nain 7 ne’ebé la too iha meta ne’ebé seminario prepara hanesan: iha nain 2 ne’ebé hetan valor 37, nain 2 hetan valor 38, nain 3 hetan valor 39 no valor boot mak ho pontu 48 no kiik liu mak 37,”dehan Magalhães.
Pe. Ângelo Salsinha husu ba seminarista sira labele orgullu ho númerika ne’ebé fó sai ona ne’e la’ós determina imi nia futuru. Importante liu oinsá imi nia valor moris nian sai felicidade. Iha exame nasional tinan 2018, Senofa hetan primeiru luga hosi Ciénsia Sociais e humanidade ho valór 49.
Planu sei halo missa despedida ba finalista Senofa, inan-aman no professor sira iha loron Tersa-feira (17/12/19). Oras dadaun ne’e finalista 3o ano tuir hela retiru iha Dare ho Pe. Patrocinio da Cunha Nunes nu’udar pregadór retiru refere no Ano Preparatorio retiru iha Maubesse ho Pe. Adérito de Savio Sequeira nu’udar pregadór iha retiru ne’e durante loron 3. Ba 10o ano no 11oano retiru iha Senofa mak sai pregadór iha retiru ne’e Pe. Francisco Tavares dos Reis.
Finalista Senofa no Ano Preparatorio iha fulan Novembru liu ba realize ona LIVING iha Oecusse.(Report: Van Alves & Ivo)