Jornalista Senofa News sira hasae foto hamutuk ho Xefe Redasaun, Carlos M. de Jesus wainhira atu fila, (foto,Lino)
SENOFA Nws, Dili- Kordenador Kobertura Média Timor Post, Agapito de Deus hatete jornalista junior hosi Senofa tenke presiza Fortaleza liu tan kona-ba hakerek Notísia nian, tanba Senofa nia material pratika loron loron nian diferente uitoan ho Timor Post, Sexta-Feira (18/10)
“Ba Seminarista sira durante mai halo prátika iha ne’e kona-ba materia Jornalizmu nian iha Timor Post, tuir hau nia hare sira presiza Fortaleza liu tan iha hakerek Notísias nian, tanba iha sira nia prátika loron-loron ne’e diferente uitoan ho Timor Post nian’’ dehan Agapito ba Jornalista Senofa News iha Timor Post, Sesta-feira, semana rua liu ba.
Agapito hatete tan katak Jornalista Senofa News sira halo notisia ho modelu hanesan iha Jornal Parede, tanba ida ne’e presiza atu Fortaleza liu tan hodi bele halo diak Notísias iha futuro.
Iha fatin hanesan Xefe Redasaun Timor Post, Carlos M. de Jesus hateten nia apresia tebes ho Seminarista sira no buat ne’ebé sira aprende sai hanesan referénsia atu sira bele halo sira nia Jornal Parede (JP). “Ha’u apresia tebes ho alin Seminarista sira ne’ebé mai aprende iha ne’e espera katak ho magang ida ne’e sira fila ba iha Seminariu bele halo saida mak sira aprende no haree iha ne’e oinsá servisu Jornalista nian. Ha’u hanoin durante loron lima nian sira estuda buat barak, ne’e sai hanesan Referénsia ida ba imi atu imi bele halo imi nia JP,’’ dehan Carlos.
Iha sorin seluk estagiado Frangelino M. de Araujo nu’udar Jornalista Senofa News dehan nia sente kontente tebes tanba Jornalista Timor Post sira tau fiar ba Jornalista Senofa News sira atu ba halo Kobertura mesak iha terrenu no kuaze Notisias ne’ebé halo husi Jornalista Senofa News sira konsege balu Publika sai duni iha Jornal Timor Post. (Reportagen Estagiado Senofa)
Comments