Seminarista foun sira tuir teste diagnostiku foin lalais ne’e iha Senofa ne’ebé akompaña direta hosi equipa Universidade Kristen Duta Wacana (UKDW) Yogjakarta, Indonezia . Foto: Thom.
SENOFA News, Dili - ESC Seminário Menor Nossa Senhora de Fátima (Senofa) Balide iha programa oi-oin hodi dezenvolve pilares lima ne’ebé iha liu hosi teste diagnostiku hodi hatene klean karáter seminarista ida-idak nian. Seminarista mós bele deskobre personalidade, kapasidade inteletuál no hatene potencialidade saida mak nia iha.
Teste refere hahu tinan 2018 no tinan 2020 ne’e total seminarista tuir teste diagnostiku sia nulu resin-haat (94) kompostu hosi Ano Preparatóriu (KPA) hamutuk 25 no 10o ano geral hamutuk 69.
Reitor Senofa, Pe. Ângelo Salsinha afirma katak teste Diagnostiku durante tinan 3 ba seminarista foun sai indikadores ida ne’ebe nia formasaun kontinua kada tinan. Objetivu ida atu hatene Seminarista sira nia kapasidade intelektual, potensia saida mak iha labarik ne’e no karáter labarik ne’e nian.
“Atu nune’e hafasil ekipa Formadora sira atu akonpanha sira iha parte intelektual, Espiritual no Dixiplina. Ida mos mak atu hatene labarik ne’e keta iha problema ruma ou moras mental,”amu dehan.
Equipa ba teste diagnostico hosi Universidade Kristen Duta Wacana (UKDW) Yogjakarta, Indonezia servisu hamutuk ho departamentu Edukasaun, liu husi Pe. Luis Bonaparte. Durante ne’e hala’o deit iha Paulo VI, SENOFA, Seminario Maloa no Seminario Fatumeta ne’ebe hala’o durante tinan tolu ona.
Iha sorin seluk equipa ida esplika ho lian Indonesia katak ‟Tes diagnostik ini gunanya untuk mengetahui kecerdasa. Itu nanti dibagi dalam empat bagian, yakni ada kecerdasan visual, espasial, numerik dan mengenai verbal. Itu nanti bisa untuk menentukan apakah cocok dia untuk jurusan IPA atau jurusan IPS. Juga akan mengetahui kesehatan mental, apakah dia normal atau dia punya kecendarungan tertentu ,misalnya kalau dia punya kecendarungan depresi”.(Reporter: Jack & Bendy).