• SENOFA hato’o Agradesimentu
Estagiadu sira husi SENOFA foto hamutuk ho jornalista senior STL.
Senofa News, Dili- STL Corp sai hanesan mahon ba Seminarista sira ne’ebé tama ba grupo Jornalista Junior Senofa nain ualu ne’ebé hala’o sira nia estágiu durante loron lima (5), (14 to’o 18 Outubru) liu ba.
Média STL Corp ne’ebé média nasional ida iha TL harii dezde tempu Indonesia sai hanesan mahon ida ne’ebé kontinua nafatin hodi fó mahan ba nia parseiru Senofa tanba kooperasaun besik tinan 5 hodi nune’e fó oportunidade ba Jornalista Junior hosi Senofa sira hanesan: Marciano Samuel, Dilson Moruc, Ivo Rosalio, Joãozinho Barreto, Cassandro Lopes, Adelito da Costa, João Paulo Freitas no Dionizio Mariz.
Tuir Germano de Sousa nu’udar Manager Cobertura iha STL Corp hato’o nia sentimentu ne’ebé orgullu tebes tanba bele hetan konfiansa nafatin husi diresaun SENOFA nia hodi hala’o sira nia estágiu iha STL Corp.
“Hau sente kontenti tebes ho alin nain ualu (8) nia presensa tamba ami bele hetan nafatin konfiansa husi diresaun SENOFA nia hodi halao ita boot sira nia estágiu tinan-tinan iha fatin ne’e no lori mós diresaun staf STL Corp nian hakarak mos hato’o ami nia agradese ba iha alin estagiadu sira husi SENOFA nian,” tenik nia.
Iha lidun hanesan representante husi Business STL Corp, Marcos da Silva hateten STL Corp sei nakloke no kontinua hodi simu nafatin estagiadu sira husi SENOFA nian ne’ebé sai nu’udar parte pozitivu ida atu hametin liu tan relasaun ne’ebé estabellese tiha ona ho parte husi SENOFA nia ne’ebé sai ona parseiru iha tempu naruk nia laran.
Tuir Reitor SENOFA, Pe. Ângelo Salsinha hateten estagiu ne’ebé grupo Jornalismo SENOFA halao iha média nasional sira hanesan dalan ida ne’ebé sira enfrenta hodi hatene diak liu tan oinsá atu hakna’ar an nu’udar jornalista no oinsá mós atu hatene papel ka kna’ar média sira nian iha moris social nian laran.
“Nu’udar Reitór em nome equipa formadora sira, manorin nain sira no seminarista sira hotu husi Semiário Menor Balide hakarak hato’o agradese wain ba ita kooprerasaun ho parseria média nasional sira hanaesan: TVET, RTTL.ep, STL Corp, TIMOR POST no RTK ne’ebé durante ne’e servisu hamutuk no simu seminarista sira hodi hala’o sira nia estágiu durante semana ida iha sira nia fatin hodi oinsa exerse sira nia matenek iha prátika no hodi hatene prosesu tomak kona-ba jornal nian,” tenik Pe. Reitor. Iha planu ba tinan oin mai programa estágiu sei kontinua no sei preparasun máximu. Reportagem Grupu Estagaidu Senofa
Comentários