Tratamento Nehan Iha SENOFA

Seminarista sira hetan observasaun nehan husi centro Formosa dili no antes de observasaun nehan hetan uluk ona formasaun. foto:king

SENOFA News, Dili- Centru saúde Formosa Díli hala’o progama formasaun no observasaun kondisaun nehan ba estudante SENOFA. “Nehan moras sei fó kauza ba ema-nia moris hanesan imi seminarista sira konsentrasaun ba estuda la diak, toba la diak, han mós la diak. Kondisaun hanesan ne’e tanba ema barak la fó importansia ba saúde oral ka formasaun kona ba nehan,”dehan doutora Gilda Gomes, Sábadu, semana 3 liu ba iha SENOFA.

Tuir doutora ne’e katak, laiha ema ida mak obriga ami hodi fó formasaun nehan ne’e, tanba iniciativa diak husi Me. Patricia, FSGM ne’ebé responsável saúde iha seminário ne’e maka ami mai fó formasaun. “Seminarista sira imi tenke kuidadu ba imi-nia egiene oral ne’e ho diak,”nia husu ba seminarista sira.

Seminarista hamutuk atus rua resik hetan teoria saúde oral nian no identifika kondisaun nehan hodi nune’e enkamiña alunu sira ba iha centru saúde Formosa halo tan tratamentu. “Ami pronto atu tratamentu ba seminarista ne’ebé ninia nehan la saúdavel diak”.

“Tratamentu kona-ba medis nian ne’e la hanesan ho tradisional, aimoruk tradisional balun bele hatun moras maibé sei la halakon moras, dalaruma sira halo ai-moruk tau ba nehan kuak. Kona ba médiku ne’e ita halo tratamentu halai liu ba medis ninian ne’ebe primeiru ne’e ita halo pre-medikasaun hafoin fo ai-moruk, depois segundu ita ba halo tratamentu,” dehan enfermeiru Armindo Magno hodi halo komparasaun ba tratamento tradisional no médiku nian. (King R.Ribeiro)