Presiza ka lae diálogo
Líder karizmátiku, Kayrala Xanana Gusmão diriji grupo koor ida joven sira hosi parokia Motael bainhira aprezenta iha aniversariu Xanana Gusmão (21/06/2019) iha Senofa. Foto: Thom.
SENOFA- NEWS- Valentine day mak loron especial tebes ba ema tomak iha mundu, liu-liu ba joven sira, ne’ebé mak ita selebra iha loron ohin ne’e (14/02/2020). Maske situasaun impasse polítika tinan rua ona, maibé ba joven sira ou ema ne’ebé ho laran luak, nia sempre haksolok tebes iha loron ne’e hatudu nia domin, diálogo ba malu liu husi haruka karta/kartaun no prezentes ba malu, ba namorado/a, kolegas no familia sira.
Tuir istoria balun ne’ebe haktuir katak valentine day hahu husi historia ka tradisaun ne’ebé variante. Balu dehan ne’e mai husi festival romanu antigu ne’ebé hanaran lupercalia. Balu dehan ne’e iha relasaun ho akontesimentu Santo valentino iha Igreja Cristan nian. Balu fali dehan ne’e iha relasaun ho ema ingles antigo sira nia fiar katak manu sira sei hili ninia par iha loron 14 fulan Fevereiro.
Iha historia Igreja Kristan nian, iha Santo ne’ebé naran Valentino. Tuir historia, imperador romanu Claudio II iha tinan 200 depois de Cristo bandu mane klosan sira atu kaben. Imperador hili mane klosan sira atu sai soldadu. Padre ida naran Valentino la obedese ba imperador nia ordem no sekretamente fo kaben ema jovem nain rua. Historia seluk dehan Valentino iha Igreja Cristaun halo belun ho labarik barak, romanu sira kastigu tiha nia tanba nia halai tiha atu sai bibi atan ba nia bibi sira. Entaun labarik sira lakon Valentino no hakerek karta domin no saudades ba malu entre besi sira janela kadeia nian.
Iha sorin seluk Prof. Gabriel Soares de Carvalho nu’udar profesór ba dixiplina Cidadania iha SENOFA, hateten katak valentine day ne’e identiku ho loron domin, liu-liu atu manifesta domin ne’e ba malu.
Tuir Carvalho nia haree ba ita nia situasaun politika rai laran ne’e lao ladun diak, tan ne’e ita presiza artikula domin iha laran. ‟Hau hanoin ita artikula domin iha laran ita tenke rona malu i depois medita saida mak aprezenta no kolabora no halo nia ezekusaun”.
Nia subliña tan katak Impasse politíka akontese tanba falta de komunikasaun ou konkretamente dehan la rona malu. (Reporter: Flavio & Bendy).